In China is daar moontlik al 130 miljoen Christene. Dit sê voorsitter Bob Fu van China Aid, ʼn organisasie wat hulle beywer vir vervolgde Christene in die Volksrepubliek China.
Fu het die afgelope week met ʼn afvaardiging Chinese Christene ʼn besoek by die Europese Parlement in Brussel en die Stigting Die Ondergrondse Kerk (SDOK) afgelê.
Fu baseer sy bewering op ʼn onlangse skatting van die Chinese ministerie van Godsdienssake. Die departement is verontrus oor die eksplosiewe toename van die aantal Christene in die volksrepubliek. China het ongeveer 1,3 miljard inwoners. Die voorganger het bygevoeg dat dit die hoogste raming is waarvan hy bewus is. ‘Die mees konserwatiewe raming is dié van professor Yu Jianrong van die Chinese Akademie vir Sosiale wetenskappe, wat 60 tot 80 miljoen Christene bedra.’
Die vinnige uitbreiding van die Christendom is vir die kommunistiese maghebbers in Peking ʼn groot bekommernis. Die onderdrukking van Christene en die skending van hulle menseregte het in die afgelope 10 jaar drasties toegeneem. Die afvaardiging, waarvan Bob Fu ʼn lid is, het afgelope Woensdag in die Europese parlement aandag gevra vir die verslegterde lot van Chinese Christene. ‘China het in die afgelope tien jaar ʼn fascistiese karakter ontwikkel. Die vryheid vir Christene het in 2011 tot ʼn absolute dieptepunt gedaal.’