Mali maak gereed vir ʼn intervensie in die opstandige Noorde, waar Toeareg-rebelle en Islam groepe die gesag voer.

’n Paar maande gelede het die radikaal-Islamitiese groep Ansar Dine en MNLA (Beweging vir die bevryding van Azawad) die mag in die ylbevolkte noorde van Mali oorgeneem. Dié magsgreep het omtrent dadelik gevolg na ʼn militêre staatsgreep in die hoofstad Bamako. Die ingreep was ʼn mislukking, maar die Malinese burgerregering het in die chaos sy greep op die onrustige noorde verloor.

Die Ansar Dine, wat verwant is aan al-Qaeda, wil die sharia invoer. In stede soos Timboektoe en Goa is die verkoop van sigarette, alkohol en musiek verbode. By owerspel word mense in die openbaar gegesel, en vroue is verplig om ʼn sluier  te dra. Die min Christene wat nog daar is, skuil, of het na die suide gevlug. Ander godsdienste buiten die Islam word verbied.