PENNAL – ‘n Anglikaanse voorganger het hierdie week in die Britse gebied Wales, bladsye uit die Bybel verbrand.

Voorganger Geraint Ad Iorwerth, uit Pennal afkomstig, het tot aksie oorgegaan, ondat hy van bejaarde vroue in die gemeente, wat hulle man in die Tweede Wêreldoorlog verloor het, gehoor het dat hulle nie kon saamleef met ‘n gewelddadige godsbeeld nie. Die voorganger self kon ook nie. Hy het daardie bladsye wat praat oor ‘n wrede God, uit die King Jamesvertaling uitgesny.

Die sestigjarige voorganger het ‘n deel van hierdie tekste verbrand en ‘n ander deel op ‘n ‘Wall of Shame’ in sy kerk, die St Peter ad Vincula in Pennal, opgehang. Die tekste oor die toorn van God “het absoluut niks te make met Jesus, ‘n versetsleier wat vrede gepreek het nie.”

Ad Iorwerth het origens erken dat hy self nie regtig ‘n pasifis is nie. “Ek sou ‘n krieketkolf gebruik as iemand my familie iets sou aandoen”.

Indien hierdie voorganger regtig die hele oordeel van God uit die Skrif wil uitsny, gaan daar niks meer van die Skrif oorbly nie. Ook nie van die Jesus van wie hy praat nie! Want wie kan oor die kruis van Jesus praat sonder om nie ook die oordeel van God te noem nie?