Die Deense parlement het Donderdag ʼn wet goedgekeur wat homoseksuele paartjies toelaat om te trou voor die wet sowel as in die Deense kerk. Die Deense wet word volgende week Vrydag van krag. In 1989 was Denemarke die eerste land ter wêreld waar homoseksuele en lesbiese persone ʼn wettige verhouding kon aangaan.
Deur die wet ontvang elke lid van die Evangelies-Lutherse Staatskerk die reg om kerklik te trou, ongeag of die huweliksmaat van dieselfde of van die ander geslag is. Ongeveer 80% van die 5,6 miljoen Dene is lid van die staatskerk. Tot dusver kon homohuwelike in Denemarke slegs na die wettige kerkdiens bevestig word.
Enkele Christelike kerke in Denemarke het aangekondig dat hulle die staat gaan aankla, omdat die nuwe wetgewing indruis teen godsdiensvryheid.