TEHERAN – Die doodsvonnis wat die Iranse voorganger Yousef Nadarkhani in die gesig gestaar het, is deur die hooggeregshof ongedaan gemaak. Aan hom is wel ‘n gevangenisstraf van nege jaar opgelê.

Yousef Nadarkhani, leier van ‘n kerk in die provinsie Gilan, is in 2009 in sy woonplek Rasht gearresteer, omdat hy vermoedelik besig was om ‘n huisgemeente op te rig. Hy is van afvalligheid van die Islam beskuldig. In November verlede jaar is Nadarkhani ter dood veroordeel.

Die hooggeregshof het Sondag sy saak teruggestuur na die regbank in Rasht. Volgens sy advokaat sal hy met die hersiening van sy saak alleenlik vrygespreek word as hy berou betoon.

Sondag is hy tot ‘n gevangenisstraf van nege jaar veroordeel en mag hy, in sy universitêre werksaamhede, homself vir tien jaar lank nie afkeurend oor die Islam uitlaat nie.