Graag bring ons 'n nuwe boek onder u aandag: Jesus stel homself bekend. Dit handel oor die "Ek is..."-uitsprake in die Johannesevangelie, en is geskryf deur 'n professor in Nuwe Testament, R van Houwelingen.

Prof. dr Erik de Boer van die Universiteit van die Vrystaat Bloemfontein, sê oor hierdie uitgawe:
“In Jesus stel homself bekend" staan die ‘Ek is’ woorde van Jesus in die kollig. Dis die woorde wat soos ’n refrein met die Johannesevangelie saam stap. ‘Dis ek’- sê Hy wat homself bekend stel as die goeie Herder, as die Skaapspoort, as die Lig vir die wêreld.

Prof. dr R van Houwelingen het ’n bybelkommentaar oor die Johannesevangelie geskryf en is ’n prediker wat tot die harte spreek. Hy het ’n gawe om bybelwoorde oop te maak en die oorspronklike klanke in vandag se taal te laat hoor. Soos die leerlinge en vrouens met Jesus die pad geloop het, so help hierdie boek jou om vandag met Jesus saam te stap en te luister wat Hy oor homself sê.”

’n Mooi geskenk vir almal wat Jesus van naby wil leer ken.

Kostes is R65 vir een boek, en R100 vir twee boeke. Kontak ons gerus as u hierin belangstel.