ʼn Pakistanse toesighouer oor telekommunikasie het ʼn swartlys van verbode woorde in sms-berigte na telekombesighede gestuur. Een van die woorde is die Naam Jesus Christus. Die uitvaardiging van hierdie swartlys het baie kritiek uitgelok.

Telekomaanbieders het ʼn week tyd gekry om hierdie verbode woorde te blokkeer. Die kommunikasiewaghond het meer as 1600 woorde verbied, waarvan die meeste woorde met seksualiteit te doen het.

Die Pakistanse biskop John Shakir Nadeem, sekretaris van ʼn kommissie vir kommunikasie van die Rooms-Katolieke Biskopkonferensie in Pakistan, het laat weet dat die verbod van die Naam van Christus niks te make het met die doel van die swartlys nie, nl. om kinders teen onkuis woorde te beskerm. Die biskop roep die regering op om die verbod op te hef. ’As die verbod bevestig word, sou dit ʼn swart bladsy vir die land, ʼn daad van diskriminasie teen Christene en ʼn openlike skending van die grondwet van Pakistan wees.’