Ramadan

Die maand waartydens die moslems vas – Ramadan – is ‘n goeie rede om vir hul te bid. Tydens hierdie maand is hul veral met hul geloof besig en verwag hul meer van hul gebede, omdat die Koran in hierdie maand geopenbaar is. Hul glo selfs in ‘n spesiale nag waarin God Hom aan hul in drome openbaar! Om te vas is vir hul ‘n godsdienstige daad van gehoorsaamheid waarvoor hul beloon word.

In die Bybel is vas ‘n teken van verootmoediging; om klein te word voor God. Hierdie idee is nie deurslaggewend by die Islamitiese manier van vas nie. Sal ons gebede vir hulle tot spoedige bekering lei? Waarskynlik nie, want die doel van die gebed is nie om ‘n aantal opdragte of ‘n wenslysie aan God voor te hou nie, maar om jou afhanklikheid van God uit te spreek. Dit herinner ons aan God se doelstellings en dat ons daaraan diensbaar moet wees. Daarom hoef gebed nie binne hierdie 30 dae tot bekering te lei nie. Ek wil elke Christen aanmoedig om na die moslem-hart te kyk. Die politiek en media gee genoeg aandag aan die gevaar van moslem-ekstremisme en terroriste. Dit gee aan ons die geleentheid om ‘n verskil te maak en hul harte te soek.

Nederlands Dagblad, 8 Junie 2016