‘n Opmerklike wetsvoorstel sorg vir warm diskussies in die stadsbestuur van Apucarana, ‘n stad met ongeveer 120 000 inwoners, in die suide van Brasilië. Volgens die wet is alle openbare skole in die stad verplig om elke skooldag met die Onse Vader-gebed te begin. Die persoon wat hierdie saak op die voorgrond geplaas het, raadslid José ‘Deco’ Araújo, beweer dat hierdie reël ook heilsaam is vir die skool. ‘Leerlinge begin die dag op ‘n rustiger manier, en is dus minder agressief teenoor die onderwysers’.

Verlede week het die raad eenstemmig ten gunste van die wet gestem, maar kort voor die verpligte tweede stemrondte, het sommige raadslede hulle bedink. Hierdie raadslede is veral skrikkerig of so ‘n wetsontwerp nie hofsake gaan meebring nie.