Die Egiptiese televisie het onlangs ’n gruwelike video uitgesaai, naamlik oor die onthoofding van ’n Moslem wat hom tot die Christendom bekeer het.
In daardie video, wat die afgelope dae ook op Arabiese blogs opgeduik het, het gemaskerde mans ʼn jongman se kop binne 2 minute afgesny. In die film weier die man om sy geloof te herroep en is nie opstandig as sy keel met ʼn mes deurgesny word nie, maar bid kalm. In die kommentaar by die gruwelike beelde klink kritiek op die ‘politeïstiese’ (veelgodedom) Christendom.
Die Egiptiese ‘praatprogram'-aanbieder, Tawfiq Okasha, het sigbaar aangedaan gereageer toe die film op Egypt Today gebeeldsaai is. “Is dit Islam?” het hy geskok gevra. ‘Is dit wat die Islam verwag? Wat het die Islam met hierdie saak te doen? Hierdie is beelde wat deur die hele elektroniese media in Europa en Amerika versprei word….Kan jy jou voorstel?’
Volgens die program is die video uit Tunisië afkomstig.