In die koerante lees mens daagliks nuus wat verband hou met mense in die staatsdiens wat hulle werk swak of glad nie uitvoer nie.  

Christene wat in die werksplek hulle geloof uitleef het in die geskiedenis altyd ʼn groot impak gehad.

Tog dink Christene dikwels verkeerd oor hulle werk.  Hulle dink dat om jou Christen wees by die werk praktyk te maak, beteken om almal wat om jou werk, te evangeliseer.  Dit mag moontlik deel wees van wat die Here van jou vra, maar Christene vergeet dikwels die voor die hand liggende:  Om eenvoudig goed te wees in dit wat jy doen.  Daar gaan ʼn geweldige getuienis uit van iemand wat sy werk goed doen. Een van die beste maniere om jou liefde vir jou naaste uit te leef, is om jou werk goed te doen

So is ons gehoorsaam aan die Here se opdrag om die skepping te bewerk, dien jy jou naaste en verheerlik jy God.   

Gerhard Pretorius

Sleutelwoorde: 
daaglikse werk arbeid