MINSK – Die Christendemokratiese party BCD in Wit-Rusland moet hulle maar weer as politieke party in dié Oos-Europese land laat registreer. Dit het gister duidelik geword.

Dit is al die vierde keer dat dit hierdie party oorkom. Vroeër hierdie maand is die aansoek vanweë administratiewe redes deur die Wit-Russiese justisie uitgestel. Gister is skielik gesê dat die aansoek van die BCD onreëlmatighede vertoon, en is die aansoek summier afgewys.
Vital Rymasheuski, medevoorsitter van die party, is diep teleurgestel vanweë die afwysing. “Ek kry skaam vir die mense wat in hierdie land die wet verteenwoordig’.
Wit-Rusland staan al bekend as ‘die laaste diktatuur van Europa’. President Aleksandr Loekasjenko, wat sedert 1994 aan die mag is, duld nouliks enige opposisie. In 2010 is hy met tagtig persent van die stemme herkies. Proteste teen vermeende stembuskorrupsie is vervolgens hardhandig in die kiem gesmoor.