MOGADISHU – Die Islamitiese terreurbeweging Al-Shabaab het aan die begin van hierdie jaar ‘n Somaliese Christen onthoof. Dit het onlangs bekend geword dat die 26-jarige Zakaria Hussein Omar aan die begin van hierdie jaar in een van die buitewyke van die Somaliese hoofstad, Mogadishu, onthoof is. Hy het vir ‘n Christelike hulporganisasie gewerk. Nomade het sy liggaam ontdek en dit na Mogadishu gedra. Al-Shabaab het reeds vroeër laat weet dat hulle geen Christene in Somalië duld nie.