'n Ontvoerde Somaliese Christen is onthoof teruggevind. Ex-Moslem Juma Nuradin Kamil is onlangs deur 3 vermoedelik Moslem-ekstremiste in ‘n motor gedwing. 'n Week later is sy liggaam aan die rand van die stad Hudur, in die suidweste van Somalië, teruggevind. Drie jaar gelede het Kamil Christen geword. Volgens ‘n Christelike leier in Somalië wat die nuus na vore gebring het, wys die ontvoering en onthoofding daarop dat die daders uit die kring van al-Shabaab, die ekstremistiese Moslemorganisasie afkomstig is. ‘Dit is gebruiklik dat as al-Shabaab vermoed dat mense oorgegaan het tot die Christelike geloof of simpatiseer met westerse ideale, hulle daardie mense onthoof.’ Al-Shabaab, wat verbind word aan al-Qaeda, het belowe om Somalië te suiwer van Christene.

Kamil se liggaam het uiteindelik twee dae bly lê omdat mense vrees vir vergeldingsmaatreëls van al-Shabaab. Hy is deur onbekendes begrawe.