Die Bybeldrukkery in die Chinese stad Nanjing het in sy 25-jarige bestaan honderd miljoen Bybels afgelewer.

Hierdie mylpaal word hierdie week gevier. In Shanghai was daar ʼn viering van die Drie Self Kerk en ʼn groot herdenkingsfees in die drukkery van die Amity Printing Company self.

Joyce van de Veen sê dat sestig miljoen Bybels in die Chinese taal gedruk is. Veertig miljoen Bybels het in ander tale verskyn. ‘Dit beteken dat China ʼn groot Bybel-uitvoerland geword het’, sê Bas Plaisier, wat namens die Protestantse Kerk in Hongkong werksaam is, en na die feesgeleenthede uitgenooi is.

Die Chinese Bybels word uiteindelik via plaaslike kerke verkoop. Volgens Van de Veen is daar ook lede van huisgemeentes wat van dié geleenthede gebruik maak. ‘Die aanvraag is nog altyd groter as die aantal wat gedruk kan word. Die Chinese kerk groei.’  Vanuit ‘n kommersiële perspektief is dit volgens haar nodig dat die drukkery ook Bybels in ander tale druk.