Die Rooms-Katolieke aartsbisdom in New York beplan om hierdie jaar 28 Rooms-Katolieke skole toe te maak.  Dr. McNiff sê dat dit ’n eienaardige ding is om te doen, omdat die skole akademies floreer, maar as gevolg van finansiële redes gesluit sal moet word. 

Die skole se getalle het teen rasseskrede agteruitgegaan, omdat die skoolfonds te veel geword het.  Die 28 skole wat gesluit gaan word steun ook te veel op die Aartsbisdom vir subsidie.  Die skole wat kan aantoon dat hulle finansieel volhoubaar en selfstandig gaan wees binne die volgende jaar sal nie gesluit word nie.

’n Ekonomiese model vir privaat skole is broodnodig.  In Suid-Afrika is privaat skole in dieselfde situasie as in New York.  Slegs die rykstes kan hulle kinders in die privaat skole plaas, of privaat skole sukkel voort met swak geriewe en min kinders.  Privaat skole kan nie meer net hoofde aanstel wat die personeel goed bestuur nie, die hoofde sal ook die skole finansieel goed moet kan bestuur.   

Morné Diedericks