Na straatgevegte tussen Moslem en Christen jeugdiges op Vrydag 5 April, waarin vier Christene en een Moslem hulle lewe verloor het, het ʼn imam van Shubra el-Kheima, Noord van Kaïro, tydens die aandgebedsbyeenkoms ʼn beroep op Moslems wat wapens besit, gedoen om die “Christene (te) dood en el-Kheima van die ongelowiges skoon te maak”. Dit het gelei tot ʼn aanval op ʼn begrafnisstoet naby die Koptiese Sint Markus Katedraal op Sondag 7 April. Die geweld het oorgegaan in  ʼn aanval op die katedraal self, met vuurwapens, brandbomme en traangas, waarin ten minste een Christen gedood en meer as ʼn dosyn beseer is.