Die afgelope twee weke het Moslemekstremiste 24 Christene tydens aanvalle op dorpe in Plateau State in Midde-Nigerië vermoor.

Die aanvalle het op 11 Augustus in die dorp Rasta Foron begin en het op 21 Augustus in Kwi, Loton en Jwols geëindig. Volgens oorlewendes is die moslimekstremiste deur die weermag bygestaan. Nnaji John, wat tydens ‘n aanval op die dorp Heipang nege familielede verloor het, sê dat hy mans in uniform gesien het.

Die afgelope jare is daar reeds honderde Christene in Nigerië vermoor. In Jos, die hoofstad van Plateau State, het daar gereeld bloedige gevegte tussen Christene en Moslems plaasgevind. Plateau State lê op die grens van die oorwegend Islamitiese noorde en die oorwegend Christelike animitiese suide van Nigerië.