Christene in Noord-Afrika se hoop verflou dat die omwentelinge in Egipte, Tunisië en Libië tot ‘n verbetering van hulle situasie sou lei.
Dit is die gevolgtrekking van die Amerikaanse Midde-Ooste-spesialis Aidan Clay, van die organisasie International Christian Concern, wat opkom vir vervolgde Christene wêreldwyd. Volgens Clay was spesifiek die verwagtings van die rewolusie in Tunisië hoogs gespanne. “Dis die mees sekulêre land van die genoemde drie. Baie mense verwag die koms van ‘n regering wat demokratiese beginsels sterk sal voorstaan.”
Volgens Clay het die Christene se hoop drasties verflou nadat ‘n Islamitiese party 41 persent van die stemme gehaal het. Volgens hom het uitlatings van die partyleier Rashid Ghannuchi, die verwagting dat Tunisië ‘n land sou bly met ‘n redelike mate van vryheid, ‘n ernstige knou toegedien.”Ghannuchi het homself ooit beskryf as ‘n leerling van die Iraanse ayatollah Komeiny, en verdedig die besetting van die Amerikaanse ambassade in daardie land in 1979.”
Die Midde-Ooste-spesialis bevestig dat die Tunisiese regering beplan om die sharia, die Islamitiese wet, in te voer. ‘Ek verwag dat die volksverteenwoordiging in Egipte ook binnekort ‘n nuwe grondwet sal invoer. Daar is met reg ‘n vrees dat die sharia hierin ‘n sentrale posisie sal inneem.”
Volgens Clay gee die situasie van Christene in Tunisië weinig hoop.”Kan ‘n Islamitiese party wat die Koran hooghou, die vryheid van Christelike minderhede, wat slegs 1 persent van die bevolking uitmaak, waarborg?”
Clare Lopez, politieke ontleder van die Centre for Security Policy in die Amerikaanse hoofstad, Washington, verwag dat Christene in Egipte en Tunisië onderdruk sal word, gevange geneem, gemartel en vermoor sal word. “Volgens die sharia is dit alles wettig. Let maar op hoe baie Islamitiese lande met dhimmi’s, die nie-Moslems, omgaan.”