In ʼn verrassende uitspraak deur die regbank van die Punjab provinsie van Pakistan is aanklagte dat hy die profeet Mohammed sou beledig het, teen ʼn Christen, Barkat Masih (56), laat vaar. Hy is na sestien maande in aanhouding, vrygelaat. Na alle waarskynlikheid sal Masih egter uit vrees vir wraak deur radikale Moslem inwoners, nie na sy tuisdorp kan terugkeer nie.

Intussen is die doodstraf wat ʼn Pakistanse Christenvrou, Asia Bibi, in November 2010 vir godslastering opgelê is, na wye internasionale druk op die Pakistanse owerhede nog nie voltrek nie en verkeer sy steeds in gevangenisskap.

 ʼn Woordvoerder van Open Doors, Wimco Ester, het die hoop uitgespreek dat die uitspraak in die Masih-saak die gety teen die Christene in Pakistan sal begin stuit.