Volgens die organisasie The Samaritan’s Purse is ‘n Amerikaanse Bybelskool, in die Soedanese gebied Suid-Kordofan, deur bomme van die Soedanese lugmag getref. Foto’s in besit van die Associated Press wys dat twee klipgeboue van die skool met die grond gelykgemaak is. Hoewel die skool in die Nuba-gebergte oop was op die oomblik toe die bomme geval het , is niemand gewond of gedood nie. Die skoliere en onderwysers het gevlug. Die Amerikaanse VN-ambassadeur Susan Rice sê sy is woedend oor die ‘gruwelike’ bomaanval. Die Nuba-gebergte is al maandelank die toneel van gevegte tussen die weermag en rebelle.