2 bladsye.

Hoekom ek nie 'n Televisie het nie

Het ek ’n televisie nodig as predikant?  Ek dink die kyk van films se toepaslikheid op die prediking is baie klein. Baie blootstelling aan sensualiteit, banaliteit en God-afwesige vermaak, maak ons vermoëns om in Christus bly te wees meer dood as wat dit ons geestelik sterk maak.  Bronne van geestelike krag – wat ons dringend nodig het – is nie in die bioskoop nie.  Jy wil nie hê jou biograaf moet eendag skryf: steek hom en hy bloei films, nie.

As jy relevant wil wees, bv. vir prostitute, moenie ’n film kyk oor ’n bordeel nie.  Verdiep jou in die evangelie, wat sakpas gemaak is vir prostitute. Kyk dan hoe Jesus met hulle in die Bybel handel, en gaan soek ’n prostituut en praat met haar.  Luister na haar, nie die film nie.  Om vermaak te word deur sonde, bring nie meer deernis vir sondaars mee nie.

Daar is miskien ’n paar uitsonderlike mans wat aksiebelaaide, spanningsvolle, seksueel eksplisiete films kan kyk en meer vroom daarvan raak.  Maar daar is nie baie nie.  En ek is sekerlik nie een van hulle nie.

Ek het ’n hoë toleransie vir geweld, ’n hoë toleransie vir kru taal en geen toleransie vir naaktheid nie.  Daar is ’n rede vir hierdie verskille.  Die geweld is voorgee.  Hulle bedoel nie regtig die slegte woorde nie.  Maar die vrou is regtig kaal, en ek kyk regtig.  En êrens het sy ’n pa met ’n gebroke hart.

Ek sal dit reguit stel.  Die enigste kaal vroueliggaam waarop ’n man ooit sy oë mag lê, is sy vrou s’n.  Die paar uitsonderings sluit in dokters, lykbesorgers en pa’s wat doeke omruil.  “Ek het ’n verbond gesluit met my oë: hoe sou ek dan ag gegee het op ’n jonkvrou?” (Job 31:1).  Wat die oë sien, maak regtig saak.  “Maar Ek sê vir julle dat elkeen wat na ’n vrou kyk om haar te begeer, reeds in sy hart met haar egbreuk gepleeg het” (Matthéüs 5:28).  Beter om jou oog uit te ruk as  om in die hel gewerp te word (vers 29).

Broeders, dit is ernstig.  Regtig ernstig.  Jesus is heftig hieroor.  Wat ons doen met ons oë, kan ons verdoem.  Een rede is dat dit feitlik onmoontlik is om oor te gaan van vermaak deur naaktheid na ’n daad van “aanskou die glorie van God”.  Maar dit beteken dat die Christelike lewe in sy geheel bedreig word deur die dodelike effek van seksuele verleidings.

Alle Christus-verheffende verandering kom van “aanskou die glorie van Christus”.  “En terwyl ons almal met onbedekte gesig soos in ’n spieël die heerlikheid van die Here aanskou, word ons van gedaante verander na dieselfde beeld, van heerlikheid tot heerlikheid, as deur die Here wat die Gees is” (2 Korinthiërs 3:18).  Enigiets wat die oë van ons verstand verdof om Christus magtig en suiwer te sien, vernietig ons.  Daar is nie een man in ’n duisend wie se geestelike oë makliker beweeg word deur die skoonheid van Christus omdat hy sopas na kaal borste gekyk het saam met sy vriende nie.

Maar laat seks tersyde (asof dit moontlik is vir 15 minute op televisie).  Dit is die onophoudelike oppervlakkigheid wat televisie so dodelik maak.  Wat ons verskriklik nodig het, is hulp om ons vermoëns uit te brei om beweeg te word deur die onmeetbare glorie van Christus.  Televisie vat ons amper konstant in die teenoorgestelde rigting, verlaag, verklein en versmoor ons vermoëns om Christus te aanbid.

’n Kleiner bekommernis van televisie (naas die verslawende neigings, die oppervlakkigheid en dodende effek): Dit vat tyd.  Ek het so baie dinge wat ek wil bereik in hierdie een kort lewe.  Moenie jou lewe mors nie, is nie ’n slagspreuk vir my nie; dis ’n afgrond waarlangs ek elke dag loop met bewing.

Televisie gebruik meer en meer tyd vir die wat gewoond raak om te kyk.  Dit voel of dit so hoort.  Jy wonder hoe jy sonder dit klaar gekom het.  Ek is jaloers op my aande.  Daar is so baie dinge in die lewe wat ek wil bereik.  Ek sal doodeenvoudig nie kan doen wat ek doen as ek televisie sou kyk nie.  Dus ons het nooit ’n televisie in 40 jaar van getroude lewe gehad nie (slegs in Duitsland, om te help om die taal te leer).  Ek is nie spyt nie.

Enigiets wat die oë van ons verstand verdof om Christus magtig en suiwer te sien, vernietig ons.