Institusie van die Christelike Godsdiens (1559) - Boek 3 Hoofstuk 20 Gebed wat die belangrikste geloofsoefening is waardeur ons daagliks God se seëninge ontvang

Hierdie lywige hoofstuk handel oor die gebed as die belangrikste, noodsaaklike geloofsoefening waardeur ons daagliks God se seëninge ontvang. Die gelowige moet gereeld bid in heilige eerbied, onselfgenoegsaamheid en nederigheid. Op grond van God se beloftes kan die gelowige altyd reken op gebedsverhoring. Ook al lyk dit nie altyd so nie, weet ons dat God ons altyd gee wat vir ons beswil nodig is en kan ons geduldig daarin volhard.

Institusie van die Christelike Godsdiens (1559) - Boek 2 Hoofstuk 14 Hoe die twee nature van die Middelaar een Persoon tot stand bring.

Die Woord het só vlees geword dat die Middelaar ware mens sowel as ware God was. Sy Goddelikheid was op só 'n wyse met sy menswees verbind, dat die eie aard van elke natuur volkome was. Tog het uit die twee nature net één Persoon, Christus, tot stand gekom. Vir ons menslike verstand is dit ‘n groot geheimenis.

Institusie van die Christelike Godsdiens (1559) - Boek 2 Hoofstuk 13 Christus het die ware wese van die mens se vlees aangeneem

Christus het waarlik die menslike natuur aangeneem – uit die saad van die mens Dawid, gebore uit ‘n vrou – om sy amp as Middelaar te volbring. Hy was in alles aan sy broers gelyk en was tegelykertyd ware mens én ware God.

Vervolgens weerlê Calvyn dwalings van Marcion, die Manicheërs en die Wederdopers.

Institusie van die Christelike Godsdiens (1559) - Boek 2 Hoofstuk 6 Die verlore mens moet sy verlossing in Christus soek

Omdat die hele mensdom in Adam verlore gegaan het, is ‘n Middelaar nodig om hul met God te versoen. Reeds in die ou Verbond is belowe dat die Messias gebore sal word. Slegs deur Christus, wat die beeld is van die onsienlike God, kan ons God tot ons saligheid leer ken.