Die mens is van nature in die sonde dood en moet lewend gemaak word. Hy kan geen bydrae tot sy geregtigheid lewer nie. Slegs ware geloof in die Seun van God, wat uit genade geskenk word, gee nuwe lewe.

Alle beproewing het ten doel dat gelowiges hulle liefde vir die wêreld sal afsterf en lewe om aan Christus gelykvormig te word. Hul doen en late moet op die hiernamaals gerig wees. In die lig hiervan is daar geen vrees vir die dood nie.

Hierdie kort boek fokus op aspekte van dood en opstanding, soos die sekerheid van ons opstanding uit die dood, die lewe tussen ons dood en die opstanding van ons liggaam (die tussentoestand), ons opstandingsliggaam, die wederkoms van Christus en die eindoordeel.